Camiñamos cara a igualdade

No día de hoxe tivemos unha celebración moi especial, celebramos a igualdade cunha camiñada en prol da mesma, percorrendo o barrio de Fontes e así visibilizar a nosa loita para que cada vez haxa menos diferenzas entre xéneros.

 

Un magosto cheo de xogos!

Hoxe celebramos o magosto e, coma sempre, cun circuito de xogos previos ao asado e comilona de castañas. Desta maneira, facemos que as actividades complementarias do centro estean vinculadas ao noso PVAD, buscando a presencia constante da actividade física.

Fixemos xogos de puntería na portería, xogos de intentar encestar o aro, outros coma o tres en raia ou o de vestir o aro.

Tampouco faltaron xogos populares coma os bolos ou a chave, tan típica do noso concello, ou outros clásicos coma o xogo do pañuelo ou o de tirar a corda.

O máis importante, unha xornada chea de actividade física e de convivencia entre o alumnado dos diferentes cursos.

 

Balonmán na escola

Hoxe o noso alumnado de 4º de E. Primaria, tivo unha xornada de balonmán na escola, dentro do programa XOGADE, a cargo dos monitores do clube de balonmán de Cangas. Unha boa maneira de inicialos neste deporte, nas clases de Educación Física.

 

Cross zonal de O Morrazo en A Xunqueira

Hoxe celebrouse o campionato zonal de campo a través da zona de O Morrazo en A Xunqueira. Alí estivemos unha vez máis con outros centros educativos de o Morrazo, cos cursos de 2º a 6º de E. Primaria. Pouco a pouco fóronse sucedendo as diferentes saídas, por curso e categoría. 

O noso alumnado competiu con moita deportividade e con moito entusiasmo. Enseguida houbo alumnado destacado, que tomaba a iniciativa na súa proba.

E o resultado foi moi bo, tivemos un montón de alumnado do noso centro nas diferentes entregas de premios e diplomas. Todo un orgullo para nós, pero o máis importante foi a convivencia co resto de nenos e nenas.

Finalmente unhas fotos de grupo para inmortalizar este día e a experiencia de participar un ano máis neste campionato zonal. A ver se hai sorte e conseguimos clasificar algunha aula para o campionato provincial.

A milla da Curuxa!

Acabamos de grabar un vídeo da nosa milla diaria, a Milla da Curuxa. Nel podemos ver a esencia da nosa milla e unha explicación moi clara de por que a facemos e como foron os nosos inicios. Todo iso acompañado dunha edición de vídeo que deixa un resultado espectacular, grazas a MalRaio Estudio Audiovisual. Agardamos que vos guste!

Seguimos con noso particular Móvete+

Como xa é costume, cando chove non podemos facer A Milla da Curuxa. No seu lugar baixamos ao ximnasio e reproducimos coreografías de Just Dance. Desta maneira, a través deste Móvete+ seguimos adiante co obxectivo do noso Proxecto de Vida Activa e Deportiva de facer 15 minutos de actividade física diaria.

 

Comezamos coa primeira milla do curso!

Arrancamos coa nosa primeira Milla da Curuxa deste novo curso académico que acabamos de comezar. Fixo un día espléndido e o alumnado estaba desexando saír xa. Atopamos un camiño moi limpo e foi unha ledicia saír a camiñar e a correr.

Había moitas ganas de milla e o alumnado non se quedou atrás nas subidas. Veremos se aguantamos este ritmo!

Volvemos a gañar as Olimpíadas Escolares de Moaña!

Este ano volvemos a estar de noraboa. Despois do parón de dous anos consecutivos debido á pandemia, o CEIP Plurilingüe de Tirán volve a gañar as Olimpíadas Escolares de Moaña de xeito consecutivo. Algo que ten un enorme valor para nós, sendo un cole pequeno que fai uns anos vía como imposible conseguilo.

O noso alumnado estivo formidable, a asistencia foi sensacional, o que temos que agradecer enormemente ás familias, xa que sin o seu apoio sería imposible. Foi unha competición limpa, cunha rivalidade sana e finalmente o triunfo estivo moi reñido, outra vez co CEIP de Quintela, nun final moi apretado. 

Xornadas de piscina!

Voltamos novamente á piscina de Moaña. Un ano máis, grazas á colaboración entre o concello de Moaña, que nos pon o autobús, e ao Centro Deportivo de Moaña, que nos ofrece unha tarifa reducida, o noso alumnado de 6º de EP pode disfrutar de actividades acuáticas. As sesións diríxeas o mestre de Educación Física, baixo a supervisión dos monitores e socorristas do centro.

Deste xeito podemos poñer en práctica algunhas habilidades dos diferentes estilos de natación e algúns xogos acuáticos.

Practicamos fútbol gaélico

Este ano puxémos en práctica unha modalidade deportiva nova e case descoñecida para nós, o fútbol gaélico. É unha nodalidade de orixe irlandés na que podes patear o balón cos pés, pero tamén agarralo e pasalo coa man. Visitounos un monitor que nos estivo ensinando habilidades básicas.

Primeiramente, e debido ás malas condicións meteorolóxicas, estivemos practicando pases e golpeos coas mans dentro do ximnasio.

Xa noutras sesións, puidemos poñer en práctica o aprendido na pista polideportiva con novas tarefas e xogos adaptados.