Cross de Castrillón

Esta fin de semana celebrouse o cross do CEIP Plurilingüe do Castrillón-Coiro e como non podía ser menos aí estivo o noso alumnado, que sempre se amosa moi participativo, grazas tamén á aposta das súas familias por acudir a estas citas deportivas que fomentan a actividade física.

Visitamos a S.D. Tirán

Hoxe visitamos o clube de remo S.D. Tirán co noso alumnado de 6º de Educación Primaria. Alí déronnos a coñecer un pouco a súa historia, na sala onde gardan todos os seus trofeos e bandeiras.

Despois tivemos a ocasión de coñecer as súas instalación e incluso puidemos facer unha mini competición de remo indoor cos seus ergómetros.

Finalmente saímos ao mar co seu bote escola para poder practicar un pouco o remo e experimentar as sensacións deste deporte tan arraigado no noso municipio.