Hoxe foi un día histórico para o noso centro, por primeira vez conseguimos gañar as Olimpíadas Escolares de Moaña. Un éxito sen precedentes que quedará para sempre no recordo da nosa comunidade educativa.
Comezamos esta andadura fai cinco anos, conscientes de que os únicos obxectivos que nos plantexabamos era aumentar o máximo posible o número de participantes e achegarnos o máximo posible aos primeiros postos, que tiñamos o pleno convencimento de que era algo inalcanzable para nós, porque había centros con moito máis alumnado ca o noso.
Sen embargo, vimos como o ano anterior gañaba as olimpíadas un centro pequeno coma nós, o CEIP de Quintela, e non quedamos moi lonxe deles na nosa puntuación. É máis, solo con puntuar nas probas que deixamos desertas estariamos moi cerca de conseguilo. Isto unido a que este ano tiñamos cursos con moito nivel e que a participación era moi alta, facíanos soñar por vez primeira que podía ser posible.
Comezamos a xornada con moita concentración e con algo de nervios, porque sabiamos que podiamos conseguilo e a preparación foi con moito entusiasmo por parte do noso alumnado durante o mes de maio.
O seu esforzo foi inconmensurable e a ilusión e as ganas de todos e todas foi admirable. Por suposto, en todas e cada unha das probas tiñamos unha máxima, respectar aos nosos rivais sempre!
Enseguida comezaron a recibir medallas nun montón de probas e pola megafonía escoitábase por vez primeira que Tirán ía en cabeza!! Todos recollían as medallas con moito entusiasmo e, sen lugar a dúbida, con moita deportividade e compañeirismo.
Terminou a entrega dos últimos premios e todos agardabamos o reconto final das puntuacións. O CEIP de Reibón conseguía o terceiro posto, xa só quedabamos nós e os de Quintela. As caras do noso alumnado reflexaba esa tensión de crer que podía ser...
E cando a megafonía nos nombrou gañadores a explosión de alegría non puido ser maior. O noso alumnado non cabía en sí mesmo. Non era para menos, acababan de facer historia e sentían ese orgullo e esa satisfación de saberse partícipes dese gran logro.
Un soño imposible que se fixo realidade, con esforzo, con dedicación, pero sobre todo cun elevado nivel de participación. Doutro xeito non sería posible e isto débese en gran parte á dedicación tamén das familias. Grazas a eles tamén por formar parte disto.
Noraboa a toda a comunidade educativa do CEIP plurilingüe de Tirán e noraboa tamén aos centros que compartiron connosco o podio.
