O foso do salto de lonxitude necesitaba unha renovación. A area estaba endurecendo e enchéndose de herba, feito polo cal estaba a deixar de ser practicable para o salto. Ademais enchíase de auga cada vez que chovía con certa intensidade.
Aproveitáronse unhas táboas dos antigos areeiros do patio de educación infantil para facer un novo foso. Unha vez colocadas as táboas solo faltaba retirar a area antiga.
Cando se retirou a area decubrimos algo moi interesante, que debaixo da mesma había outra area máis antiga de maior calidade, máis fina e máis fácil de remover para que estea sempre branda. Para a nosa sorpresa ainda había máis fóra do foso que renovamos. Deste xeito, puidemos encher o novo foso con esa area sen necesidade de mercar unha nova.
Xa solo faltaba encher os arredores do foso coa area vella e cubrir o foso co céspede artificial que xa nos doara a ANPA o ano pasado. Xa está listo para estrear!
Deste xeito contribuimos a cumprir co
obxectivo do noso
Proxecto Deportivo de Centro de mellorar o equipamento deportivo, para a mellora e o aumento da práctica deportiva, tanto en horario lectivo como nos momentos de lecer.
