Campionato de ergómetro en Marín

O noso alumnado de 5º acudiu a un campionato de ergómetro celebrado no pavillón de A Raña en Marín, unha actividade enmarcada no programa XOGADE á que acudiron máis de 20 centros educativos de O Morrazo.

Alí, cada centro estaba nun ergómetro, acompañado de monitores de diferentes clubs de remo e, nunha quenda de relevos ían sumando metros.

Finalmente o noso centro conseguiu acadar a terceira posición, un gran mérito tendo en conta que é unha aula con pouco alumnado e que se tivo que enfrontar a moitos centros.

Practicamos con ergómetro!

Hoxe recibimos a visita dunha monitora do club de remo de Samertolameu, que veu a darnos unha sesión con ergómetros, para practicar cara unha vindeira convivencia competición con outros centros, que vai ter lugar no pavillón de A Raña de Marín, dentro do programa XOGADE. A maioría do noso alumnado era a primeira vez que se subía a un ergómetro. Puideron aprender aspectos técnicos do agarre, da postura da espalda e da función das pernas. O máis difícil foi coordinar os tempos e entender que primeiro actúan as pernas, logo os brazos e, ademais, entender que non é cuestión de ir máis rápido, senón de aplicar potencia en cada tirada.