Xornada de XOGADE con Abelendo

Hoxe recibimos a visita do CEIP de Abelendo de Moaña, para practicar modalidades deportivas, dentro do programa XOGADE. Trátase de encontros multideportivos que organizamos a través da Agrupación Deportiva Areas Gordas, deste xeito facémonos visitas deportivas entre os centros de Moaña. Estivemos practicando balonmán, voleibol, e outros xogos como o de atrapar a bandeira ou Datchball.

Dentro da organización da xornada seguimos a respectar o tempo da nosa milla diaria e, como non podía ser menos, o alumnado de Abelendo acompañounos e fixérono encantados.

 

Xornada de XOGADE en Quintela

Hoxe desprazámonos ao CEIP de Quintela para unha xornada deportiva, dentro do programa XOGADE. Para chegar alí fomos camiñando, aproveitando que non chovía e que non queda moi lonxe. Desta maneira poñemos en práctica os obxectivos do noso PVAD de incrementar a carga de actividade física en horario lectivo.

Estivemos practicando modalidades coma baloncesto, balonmán, hockey, etc., en quendas nas que os equipos estaban misturados para favorecer a convivencia entre o alumnado. Rematamos cunha gran foto de familia.