Mesas de xogos para o noso patio

Grazas a unha colaboración coa nosa ANPA Madreboa, podemos gozar xa destas mesas de xogos para o patio. Agora teremos maiores posibilidades para o tempo de lecer e ao mesmo tempo un lugar para o noso aperitivo. Agardamos que sexa de moito uso por parte do noso alumnado.

Análise de merendas

Durante este curso estivemos a facer unha análise de merendas do alumnado do noso centro. Para iso establecemos un periodo de tempo de 15 días e estivemos obtendo imaxes das merendas todos os días en tódolos cursos de educación primaria, coa fin de extraer datos relevantes sobre a alimentación do noso alumnado.

O obxectivo do estudo era comprobar o que se viña observando por parte do profesorado

• pouca froita
• exceso de alimentos procesados e ultraprocesados
• unha merenda que xera moitos residuos non orgánicos

Estes son os resultados do estudio, establecendo ata 17 tipos de racións de merendas:

Froita (pouca variedade, plátano, mandarina e mazá maioritariamente)

Galletas (cun alto porcentaxe de galletas tipo Oreo recubertas de chocolate)

Bocadillo (en xeral, sen facer diferenzas en canto ao contido)

Bebibles (tipo Actimel, bebibles de froitas, etc.)

Sándwich

Bollería (industrial, de todo tipo)

Puciños de pan (simples, de pipas, etc.)

Tortiñas (de cereais tipo arroz, recubertas de chocolate, minis de sabores, etc.)

Chocolatinas (onzas de chocolate, barriñas tipo Huesitos, Kinder, etc.)

Froitos secos

Iogurt (de culler, de diferentes sabores, petit suisse, etc.)

Queixo (racións envasadas tipo Babybel)

Biscoito caseiro (tamén galletas ou magdalenas caseiras)

Zumes (envasados en frascos ou bricks)

Minifuets

Empanadilla/pizza

Batidos de cacao/chocolate

20,83%

17,83%

12,91%

7,50%

7,08%

6,75%

5,75%

3,83%

3,83%

3,08%

2,41%

1,91%

1,66%

1,50%

1,50%

1,41%

1,16%

Destes datos analizouse positivamente que a ración con maior presenza é a froita, en calquera caso é unha porcentaxe moi baixa, e ademais moi similar á proporción de galletas. Hai unha presenza importante de bocadillo, pero cremos que debe tamén ser maior.

Analizando os datos desde outra perspectiva o 61% das merendas están constituídas por produtos procesados ou ultraprocesados, de xeito industrial, deixando fóra desta categoría a froita, os bocadillos (sen entrar analizar o seu contido), os froitos secos e o biscoito caseiro. Considerouse tamén ao pan de sándwich un produto procesado.

Por outra banda, tamén un 61% das racións de merenda ocasionan algún tipo de residuo non orgánico (envoltorios, botes, bricks, film transparente alimenticio e papel de aluminio).

Desde o centro educativo preténdese reverter esta situación, non só porque se ten a obriga por lei, senón tamén porque existe o convencemento da promoción de hábitos máis saudables. É por iso que se lanza unha proposta semanal de merendas que busque os seguintes obxectivos:

• aumentar o consumo de froita.
• reducir a porcentaxe de alimentos procesados e ultraprocesados.
• achegarse o máximo posible ao nivel 0% residuos non orgánicos.
• que as merendas sexan cómodas de levar e cómodas de comer.

Imos á piscina

Un ano máis voltamos á piscina municipal. Grazas á colaboración do concello de Moaña, que nos pon o autobús, e ao Centro Deportivo de Moaña, que nos ofrece unha tarifa reducida, o noso alumnado de 6º de Educación Primaria pode gozar das actividades acuáticas durante catro sesións repartidas neste mes de marzo. Toda unha aventura pasada por auga!

Xornada deportiva co CEIP Montemogos

Hoxe tivemos unha xornada deportiva dentro da modalidade Actividade deportiva escolar, do programa XOGADE. Visitamos o CEIP Montemogos co noso alumnado de 5º de Educación Primaria. Alí puidemos compartir modalidades deportivas como Baloncesto, Datchball, hockey, Colpbol. Non hai mellor maneira que compartir a través da actividade física.

Rematamos cunha foto de familia, que deixa ver a importancia de fomentar as relacións sociais a través das actividades deportivas.

Avances no camiño escolar seguro

Hoxe estivemos reunidos cos arquitectos que deseñaron o camiño escolar seguro e con membros da asociación de veciños O Pegho de Tirán. Deste xeito puidemos poñer ideas en común para avanzar na mellora do camiño en prol da seguridade de tódolos membros da comunidade educativa que se achegan ao noso centro.

Cross provincial en Portas

Hoxe celebrouse o cross provincial en Portas. Fomos co noso alumnado de 4º e 2º de Educación Primaria, logo de haberse clasificado no cross zonal celebrado en A Xunqueira. Puidemos gozar dunha xornada deportiva con outros coles da provincia. 

En ambas aulas conseguimos representación do noso alumnado no podio, pero o máis importante foi a experiencia, que saiban competir con deportividade e pasar unha xornada diferente.

Cross zonal en A Xunqueira

Hoxe celebrouse o cross zonal da zona de O Morrazo no entorno da praia de A Xunqueira, unha actividade da modalidade Actividade deportiva escolar, dentro do programa XOGADE. Alí estivemos competindo con outros coles da zona. Tivemos un bo día a pesares das ameazas de chuvia. Foron competindo as diferentes categorías, desde 2º de Educación Primaria ata 6º de Educación Primaria.

Finalmente o noso alumnado tivo recompensa polo seu gran esforzo e conseguimos unha morea de medallas e diplomas.