Nesta segunda xornada de XOGADE somos os anfitrións. Hoxe visitáronnos o CEIP de A Guía e o CEIP de Quintela e con eles organizamos unha xornada a modo de competición triangular. En cada modalidade deportiva (baloncesto, balonmán, fútbol sala e xadrez) disputáronse tres encontros nos cales se enfrontaban sempre dous colexios e un descansaba.
Comezamos con baloncesto, coma sempre. A verdade é que competiron moi ben, sen discusións nin malas accións, case non foi necesario arbitrar. O resultado, coma sempre, foi o de menos. O importante é disfrutar da convivencia.
![](https://blogger.googleusercontent.com/img/b/R29vZ2xl/AVvXsEir2fOxSu49_Ku52oi1dL76qHynMN4qlMLB7irePwNNIf4MuZFlJzpeZJieYn95mL3BMEyUOz6DDORtH203NiHj9iwMZlFdhHXO1KewScBXuj1nS11H03EwK3AyPsp0JJSO8L0zRFNcmA8/s640/7.jpg)
Rematado o baloncesto fixemos un parón, xa que era a hora da milla. Como non podía ser menos, invitamos ao alumnado visitante e aos seus mestres e mestras a facer a nosa Milla da Curuxa. Quedaron encantados, o alumnado visitante non paraba de preguntarlle ao seu profesorado por que non podía facer o mesmo no seu cole. A verdade é que, lamentablemente, non todos os centros teñen a sorte de ter un entorno coma o noso. Todo é cuestión de que se o propoñan.
![](https://blogger.googleusercontent.com/img/b/R29vZ2xl/AVvXsEj9joG5cQL_ErTSscRnYaRbYob5coFfPc7UVq1tLAfZDI_HJiDFf9yIETUxtYUS71UiA7-8xuTlawsGRR7tB4ovmykU6unn2frYC2jVK0wfi_0765b4KTkP4l69diVRZAKboBMFxJCUXtA/s640/6.jpg)
![](https://blogger.googleusercontent.com/img/b/R29vZ2xl/AVvXsEjEMNzj6NpihfPmM0gYIMS27JqxCWEm2zMCJdGE4leOLb9CQ4Quk8fbRA6myZTs83TI_a-n_-ueZ10GXLa_87eJalZIap7yTY6MQ9NM9vMy6gHhEfU6vbZ0VLCb9ggd8EuSzZakiQgf4k8/s640/5.jpg)
![](https://blogger.googleusercontent.com/img/b/R29vZ2xl/AVvXsEj9joG5cQL_ErTSscRnYaRbYob5coFfPc7UVq1tLAfZDI_HJiDFf9yIETUxtYUS71UiA7-8xuTlawsGRR7tB4ovmykU6unn2frYC2jVK0wfi_0765b4KTkP4l69diVRZAKboBMFxJCUXtA/s640/6.jpg)
![](https://blogger.googleusercontent.com/img/b/R29vZ2xl/AVvXsEhg6NCEk2PUYeynWSHH8bHdtbM_nD_7tifGyLb-KC7axh0bEPZpjJx2iA5C8WXHjco3OxbkK5PsLGcIN2-2Zu2WHGjGM1vuhMs0dY57aOodA8tuKwwhzdXpyTKRy0BaHcWiSkqDaZoEeVM/s640/2.jpg)
Finalizado o balonmán tivemos o parón do recreo, no que o alumnado visitante puido compartir ese tempo de lecer co resto do alumnado do noso centro. Unha vez rematado, tocábanos fútbol sala e, de xeito simultáneo, xadrez no ximnasio.
![](https://blogger.googleusercontent.com/img/b/R29vZ2xl/AVvXsEgeNKSmxMNuhepMTNZji4gbrW13yxc2rc-W9n-3AtD5oIVnBMf21iYiRfaQ0rrMV44EY4QHnlQiNrX4Iqwq319hjsJbNb6cRxQIMMYH9z7xFlCuMZTBPawAGqGpK-ufIQTjjCy33qiFduk/s640/3.jpg)
![](https://blogger.googleusercontent.com/img/b/R29vZ2xl/AVvXsEjIemhNHyeOKUEVn56-CYnafSiQ-CiRVglrsnubnJlQcl_ewZHKyKsgEFEypb74G4ntGfOFl6bJD7iPhCZUC_aTgqRVVNHSJhqBC2oiR-x-yfLeNKXWtYaJxzG8_qYDWSMwAeg8lP98idk/s640/4.jpg)
E xa para rematar, unhas partidas ao brilé todos misturados e unha instantánea final para o recordo, co alumnado dos tres centros participantes.
![](https://blogger.googleusercontent.com/img/b/R29vZ2xl/AVvXsEjbGdA-JwZRuJwvS0Nfg-CaTQv5KADgdB3ozAsl12huX2vLTuXVGKcfsoHHhVJIWfiuGcRa7BfLHfEftLwOwDu9VVgyRyCEERKTuCa2AqCHnzzC3Ob8W3JJtuQf7yeISnxqKmf0sdI2QX4/s640/8.jpg)
![](https://blogger.googleusercontent.com/img/b/R29vZ2xl/AVvXsEjSpJGREDyhukVoTWCzLgn2FcgODpa6YF5ROhkqJME4NWODb0CjB8Il08wkwLYFWwz8i8dJmHfAje6f8F6NwFYDGSqQnNCzPypBn8ftRpVniFVoPs19nyFms7B6ha-hqs4J8PvTecJgKVc/s640/1.jpg)
Ningún comentario:
Publicar un comentario