O noso alumnado xa poderá disfrutar dun rocódromo exterior para o tempo de lecer, de xeito que seguimos avanzando no noso proxecto deportivo para o fomento e incremento da actividade física na escola.
Primeiro escollemos unha parede do noso centro, pedímoslle colaboración á nosa ANPA para darlle un bo lavado e démoslle unha man de pintura branca. A verdade é que cambiou bastante!
Logo fomos pintando ladrillos de diferentes cores ata conseguir un mosaico agradable e con moito color. Utilizamos un esmalte sintético para que a pintura non volva a coller a suciedade que tiña antes.
E finalmente colocámoslle as presas para ter un auténtico rocódromo a disposición do noso alumnado. Agora serán eles os que decidan que ruta tomar, xa veremos se lle resulta máis ou menos difícil...
Ningún comentario:
Publicar un comentario