Hoxe vivimos unha xornada de xogos tradicionais en Silleda co alumnado de 6º de E. Primaria, dentro do programa Xogade. Como pasamos alí todo o día, pola mañá tocou outro tipo de actividades de convivencia con outros centros educativos. Estivemos xogando ao fútbol sala e despois pasamos un rato moi divertido e moi movido gracias á animación de Javi Solla. Todos os nenos e nenas estaban enganchadísimos.
Non só foi bailar, xa que tamén houbo tempo para outro tipo de actividades moi divertidas como tiro con arco.
E antes de facer unha parada para a comida, fomos sorprendidos pola organización, e invitados a participar na grabación do programa da Radio Galega chamado Convivir Deportivo, de Alfonso Pardo. E incluso o noso mestre Felipe foi invitado a unirse á mesa para comentar algún aspecto desta xuntanza e do noso Proxecto Deportivo de Centro. Podédelo escoitar aquí.
Xa pola tarde entramos de cheo nos xogos tradicionais propiamente ditos, a chave, a billarda e o bolo celta. Sen dúbida unha experiencia moi grata para o noso alumnado.
Ningún comentario:
Publicar un comentario